KONPETENTZIA ESPEZIFIKOAK ETA EBALUAZIO-IRIZPIDEAK

 

1. KONPETENTZIA ESPEZIFIKOA:

Arazoak identifikatzea eta errealitatearen eta giza existentziaren oinarriari, balioari eta zentzuari buruzko galderak egitea, testuen eta adierazpen filosofiko eta kulturaleko beste modu batzuen analisitik eta interpretaziotik abiatuz, gai horien errotikotasuna eta transzendentzia ezagutzeko, baita horiei aurre egiteko beharra ere, bizitza gogoetatsua eta kontzientea garatzeko.

 

​EBALUAZIO-IRIZPIDEAK:

1.1. Iturri eta dokumentu filosofiko garrantzitsuak ezagutzea eta haien testuinguru historikoekin, arazoekin, tesiekin, egileekin eta beste kultura-esparru batzuetako elementuekin behar bezala erlazionatzen jakitea.

 

1.2. Arazo historiko-filosofikoei buruzko iritzi propioak sortzea eta horiei buruzko dokumentuak eta ikerketa-lanak egitea eta aurkeztea.

 

2. KONPETENTZIA ESPEZIFIKOA:

Gai filosofikoei buruzko informazioa behar bezala bilatzea, kudeatzea, interpretatzea, produzitzea eta transmititzea, iturrien erabilera kontrastatua eta segurua, iturri horien erabilera eta analisi zorrotza, eta ikerketako eta komunikazioko oinarrizko prozeduren erabilera oinarritzat hartuz, gogoeta filosofikoaren esparruan jarrera arakatzailea, autonomoa, zorrotza eta sormenezkoa garatzeko.

 

EBALUAZIO-IRIZPIDEAK:

2.1. Argudioak zorrotz erabiltzea, argudio-jarraibideak erabiliz, modu dogmatikoak, gezurrezkoak edo iritziak saihestuz.

 

2.2. Gogoeta filosofikoaren esparruan arakatzeko jarrera autonomoa eta aktiboa garatzea, jatorrizko produktuak diseinatuz, landuz eta jendaurrean komunikatuz

 

3. KONPETENTZIA ESPEZIFIKOA:

Argumentuak eta argudio-egiturak behar bezala erabiltzea eta baloratzea, haien analisi formaletik zein informaletik abiatuz, diskurtso mota desberdinak zorrotz sortzeko eta balioesteko, eta iritziak eta hipotesiak sostengatzeko modu dogmatiko, faltsu eta alboratuak saihesteko.

​​

EBALUAZIO-IRIZPIDEAK:

3.1. Galdera eta arazo filosofikoei buruzko argudiozko diskurtsoak, ahozkoak eta idatzizkoak, produzitzea eta ebaluatzea.

 

3.2. Modu dogmatikoak, faltsuak eta iritziak detektatzea, eta falazia eta alborapen horien izaera argudiatzen jakitea.

 

3.3. Kooperazioaren, egiarekiko konpromisoaren, aniztasunarekiko errespetuaren eta jarrera diskriminatzaile edo arbitrario oro arbuiatzearen garrantzia ezagutzea.

 

4. KONPETENTZIA ESPEZIFIKOA:

Elkarrizketa filosofikoa zorrotz, kritikoki, tolerantziaz eta enpatiaz praktikatzea, horrek eskatzen dituen jarraibide etiko eta formalak barneratuz eta exijitzen digun kudeaketa emozionala identifikatuz, talde- -jardueretan parte hartuz eta gai filosofikoen planteamendu dialogikoaren bidez, ideiak kontrastatzea eta trukatzea eta herritartasun aktibo, emozionalki trebe eta demokratikoaz jardutea sustatzeko.

 

EBALUAZIO-IRIZPIDEAK:

4.1. Historian zehar egin diren proposamen filosofiko garrantzitsuenei buruzko ezagutza esanguratsua lortzea eta adieraztea, horien inguruan ikertuz eta horiei erantzuten dieten gaiak identifikatuz.

 

4.2. Pentsamenduaren historiako arazo, ideia, tesi eta eztabaida filosofiko nagusiak identifikatzea, ulertzea eta horiei buruz eztabaidatzea, filosofiarako garrantzitsuak diren testu eta dokumentu filosofikoak analizatuz eta kritikoki iruzkinduz.

 

5. ​KONPETENTZIA ESPEZIFIKOA:

Filosofiaren funtsezko arazo bakoitzaren inguruko ikusmolde, ideia eta argudioen izaera anitza ezagutzea, horiei buruzko hainbat tesi garrantzitsuren analisi kritiko eta dialektikoaren bidez, gai eta ideia horien ikusmolde konplexua eta ezdogmatikoa sortzeko, baita jarrera irekia, tolerantea eta gatazken konponbide arrazional eta baketsuarekin konprometitua ere.

 

EBALUAZIO-IRIZPIDEAK:

5.1. Garai bereko edo garai eta tradizio desberdinetako tesiak, eskolak, filosofoak modu irekian eta kritikoan aztertzea, alderatzea eta laburbiltzea

 

5.2. Jarrera irekia, tolerantea eta ebazpen arrazional eta elkarrizketatuarekin konprometitua garatzea

 

6. KONPETENTZIA ESPEZIFIKOA:

Pentsalari garrantzitsuenen ideia eta teoria filosofiko nagusiak ulertzea, ideia eta teoria horien eta horiek xede dituzten funtsezko arazoen azterketa kritiko eta dialektikoaren bidez, filosofiak duen aberastasunaren eta eragin kultural, sozial eta historikoaren eta ondare komunari egiten dion ekarpenaren ikusmolde zorrotz eta kritikoa sortzeko.

​​

EBALUAZIO-IRIZPIDEAK:

6.1. Arazo filosofikoak ezagutzea, haien denborazko dimentsioa eta dimentsio unibertsala ulertuz.

 

6.2. Zalantzan jartzea pentsamendu filosofikoaren historian funtsezko elementutzat hartzea, filosofoek garai desberdinetan egin dituzten galderak identifikatuz.

 

 

7. KONPETENTZIA ESPEZIFIKOA:

Funtsezko eta gaurkotasuneko gaien planteamenduan ikuspegi globala, sistemikoa eta diziplinaz gaindikoa eskuratzea, haien askotariko alderdiak analizatuz eta kategorizatuz, funtsezkoa dena osagarria denetik bereiziz, eta hainbat diziplina-esparrutako informazioa eta ideiak integratuz, filosofiaren oinarrizko ikuspegitik, gai konplexuak modu kritikoan, sormenezkoan eta eraldatzailean jorratu ahal izateko.

 

EBALUAZIO-IRIZPIDEA:

7. Testuak aztertzea eta konparatzea, mendebaldeko kulturaren historiarekin eta ideia filosofikoekin modu globalean erlazionatuz.

 

8. KONPETENTZIA ESPEZIFIKOA:

Funtsezko eta gaurkotasuneko arazo etiko eta politikoak analizatzea, horiek interpretatzeko eta ebazteko jarrera filosofikoki egokiak modu kritiko eta dialektikoan azalduz, norberaren iritzia eta autonomia morala garatzek

 

EBALUAZIO-IRIZPIDEA:

8. Norberaren iritzia eta autonomia morala garatzea, funtsezko eta gaurkotasuneko arazo etiko eta politikoen analisi filosofikoaren bidez.

 

 

9. KONPETENTZIA ESPEZIFIKOA:

Artearekiko eta balio estetikoa duten beste adierazpen batzuekiko sentsibilitatea eta ulermen kritikoa garatzea, edertasun eta sorkuntza artistikoari buruzko pentsamendu filosofikoan jardunez, sentimendu estetikoak hezteko eta irudien hizkuntzari eta zentzuari buruzko jarrera gogoetatsua garatzen laguntzeko.

 

EBALUAZIO-IRIZPIDEAK:

9.1. Arazo filosofikoak (batez ere estetikaren esparrukoak) kontuan hartzean, oreka egokia sortzea alderdi arrazional eta emozionalaren artean.

​

9.2. Abstrakziotik ulertzea artearen eta edertasunaren inguruan historian zehar agertu diren gai filosofikoak eta sorkuntza artistikoarekin eta plazer estetikoarekin lotutako oinarrizko kontzeptuak,